“ နီယွန်သူရ - ၉ /၂၂ ”

 ငါက ၀ိညာဉ်ပါ

အညတရ ၀ိညာဉ်ပါ

မြင်နေရသမျှက အုတ်ဆွေးနီနဲ့

စီရရီတည်ထားတဲ့ တိုက်အိုတွေပဲ

စာဆိုတော်တွေ လက်မှိုင်ချ

ငေးမ၀ခဲ့တဲ့ တိုက်အိုတွေပဲ  . . .

မောင်းသူမဲ့ ဘတ်စ်ကား မှတ်တိုင်က

ခုံတန်းလျားတွေပေါ်မှာ

ပေကျံစေးကပ်နေတဲ့ သွေးတွေပဲ

ရေဆိုးမြောင်းတစ်လျှောက် အကွက်လိုက်

မျှောပါနေတဲ့ သွေးတွေပဲ . . .

ပြည်သူ့ရင်ပြင်တစ်ခုလုံးမှာလည်း လူသေကောင်တွေ

တောင်ကုန်းသဖွယ်စုပုံလို့

ပုပ်လှောင်အီလွန်းတဲ့ ဒီနေရာအရောက်

ငါလို ၀ိညာဉ်တောင်မှ

အောက်စီဂျင်မျက်နှာဖုံး ပြန်စွပ်ထားရတယ် . . .

ဆောင်းစေတမန်ရဲ့ နှင်းခညမှာ

အနီအောက်ရောင်ခြည်သုံး မှန်ပြောင်းထဲ

မြင်မြင်သမျှက

သုခနိဗ္ဗာန်ရောက်နေတဲ့အလား

ပျော်ပါးနေတဲ့ ၀ံပုလွေတွေပဲ . . .

ရှေ့ဘက်စူးစူးမှာ ရေခမ်းလို့

ငါးတွေဖျတ်ဖျတ်လူးနေတဲ့ မြစ်ကျဉ်းတစ်ခုရှိတယ်

မြေနုကျွန်းဖြစ်ခဲ့ဖွယ်ရှိတဲ့ နေရာတွေမှာ

ခုတော့ တောင်ကုန်းမို့မို့အသွင် သဏ္ဍာန်ဆောင်နေပြီ . . .

ဟိုး ရှေ့က

မီးကျွမ်းထားလို့ အင်္ဂတေအဖပ်လိုက်ကွာကျပြီး

ပြာနှမ်းမည်းညစ်နေတဲ့

ခေတ်သစ်စီးပွားရေးဗျူဟာ ကွပ်ကဲမှုဌာန

အဆောက်အအုံဟောင်းမှာ

စစ်ကြောရေးတပ်ခွဲက ရဲဘော်သုံးဦးရှိတယ် . . .

သူတို့လည်း ငါ့လိုပါပဲ

သက်ပျောက်ဆွမ်းကျွေးပြီးသား

ဦးနှောက်နဲ့နှလုံသားကို ဖောက်ထုတ်ခံခဲ့ရတယ်

စီလီကွန်လူသား ကိုယ်ထည်အတုထဲမှာ

အီလက်ထရွန်တွေနဲ့ ရှင်ပြန်ထမြောက်ခဲ့ရတယ် . . .

ငါ့ လက်တစ်ကမ်းမှာ

ယူရေနီယံသေနတ်တစ်လက်

တစ်နှစ်စာ ဘက်ထရီခြောက်တစ်ကဒ်

မနက်ဖြန် နေထွက်ရင်

ဒီလိုပဲ မြို့ကိုပတ်ပြီး လမ်းလျှောက်ရအုံးမယ်

ဒီနေ့အတွက် မှတ်စုကတော့ ဒီလောက်ပါပဲ . . . ။             ။

ကျော်လင်းထွန်း