“သူတို့ရှိတယ်”

ငါ့အဇ္ဈတ္တမှာ အမှိုက်သရိုက်တွေပေလူး

မထူးဆန်းတဲ့ အတ္တဘ၀ပုံစံခွက်ထဲကနေ

အပြင်ကို ရုန်းထွက်ဖို့လည်း ရည်စူးထားရဲ့

သမ္မာသတိသမ္ပဇဉ်နဲ့ အာဇာနည်ဝိညာဉ်က

ဝင်ပူးနေမှကိုး . . .

အောင်မြင်မှုအတွက် ကောက်ကျစ်သူ

တစ်ကိုယ်ရေ ကြောက်ရွံ့မှု

လွတ်မြောက်မှု ၊ တယူသန်မှုတို့နဲ့

ရိုင်းစိုင်းသူ

သူပေါင်းများစွာကို ငါအရိုးသားဆုံး

ဥပက္ခာတရားနဲ့ ရှုမှတ်တယ် . . .

ပညတ်ချက်တွေရဲ့ အကြား

ဒို့တတွေ ဘ၀ကို တူးတူးခါးခါး

ဖြတ်သန်းခဲ့ဖူးကြ

ဖြတ်သန်းနေကြရ

ရှေဆက်လည်း ဖြတ်သန်းရလိမ့်ဦးမယ် . . .

ဗုဒ္ဓစေတီတော် အဆူဆူရဲ့ ရင်ပြင်တော်တိုင်းဟာ

တို့အတွက်တံခါးဖွင့် ကြိုဆိုနေတုန်းပါပဲ

အဖျားတက်နေတဲ့ တိမ်တိုက်တွေကြားက

လျှပ်စီးမိုးကြိုးသွားလို

သစ္စာတရားနဲ့ ယုံကြည်ချက်ကို ချိန်သားကိုက်ထားရင်း

မှောင်မိုက်ခြင်းကို ဖြိုဖျက်ပိုင်းခြား

အဖြူရောင်နှလုံးသားတိုင်းဟာလည်း

ငါတို့ရဲ့ ငိုရှိုက်သံတွေကို မျှဝေခံစားပေးဖို့

လက်ကိုဆန့်တန်း ကမ်းလင့်ကြိုဆိုနေကြပါတယ် . . . ။            ။

ကျော်လင်းထွန်း