"ဝှက်ထားတဲ့ ညနေ"

မြက်ခင်းပေါ်

ရှူသွင်း … လေပြင်းတွေ

အေးစက်စက်။

တစ်ဝက်တစ်ပျက်

ဆယ်စုနှစ် တစ်ခုဝန်းကျင်

ဘဝပရဝုဏ် ပတ်ချာလည်

နံရံတွေ အထပ်ထပ်။

ကန်ရေပြင်လား

တန်ပြန်အလင်းလား

နေမင်းကြီး ဝပ်ဆင်းသွားလျက်ပင်

စူးရှကျန်ရစ်ဆဲ

ရင်ဘတ်ထဲ  
... ... ...

အလင်းတွေ ခုန်လွှားအော်မြည်။

လိုင်းကားပေါ်ပြေးတက်သွား

သူမဟုတ်

ငါမဟုတ်

ဘယ်သူဘယ်ဝါမှလည်း မဟုတ်

ငါတို့မြို့က အဝိဇ္ဇာတွေ …

ဒါမှမဟုတ်ရင်

ရှူသွင်းလိုက်ပါ

အနှစ် နှစ်ဆယ်စာ

တန်ပြန်လင်းညို့

ငါတို့မြို့ဟာ သူ့ ညနေသူ

ပြန်မျိုချလို့ နင်နေတာ။

ဝပ်သွားသလား

ခုန်လွှားသလား

အိုဗာအီးယား နားကြပ်တစ်လုံးနဲ့

ငါ့ နံရံကို ငါဖောက်ခွဲပစ်မယ်

ငါဟာ လက်ပစ်ဗုံးတစ်လုံး …

အဖွက်လွန်နေသလား

အထားမှားသွားတာလား

မသေချာမှုတွေနဲ့ သေချာကြ

အာဏာသိမ်းခံလိုက်ရတဲ့

ငါ့ ရင်ဘက်ထဲက ညနေ။

KLT

5:23 AM

5/5/18

Art by Chin h Shin