“ကလပ်ရှ် ပလိတ်စော် ညှော်တဲ့ မွန်းလွဲ”

ပြေးနေတာမျိုးလား . . .

ပြေးနေတာရယ်တော့လည်း မဟုတ်ဘူး

အရာမထင်ခဲ့တဲ့ အရင်အထာတွေ အတိုင်းပဲ

ပူတယ်…ပူလိုက်တာ

ခြောက်ခမ်းမှုတွေနဲ့ သတိလစ်မွန်းလွဲ

နေဟာ ခြစ်ခြစ်တောက် ပူနေဆဲပေါ့

အခုန တဖွဲဖွဲက မိုးလား

နတ်ဒေ၀ါရဲ့ စုတ်ချက်တွေလား

ငါဟာ မြို့ပျက် ကင်းဗတ်စ် တစ်ထည်လား . . .

မျက်နှာတွေ ရွေ့နေတာ

အရှေ့ ၊ အနောက် . . . အတောင်မပေါက်သေးတဲ့

မြောက်တွေလို

ဝါဆို ရောက်ပြီဆိုမှဖြင့်

ပြာသိုမှာ မွေးတဲ့ငါ . . .

အေးစက်ကြမ်းရှ မြို့ပျက်လမ်းမပေါ်

ထော်လော်ကန့်လန့် မျက်ခုံးတွေနဲ့

တန့်တော်မူ အပြုံးခါးတွေကို . . .

နောက်တစ်ခု

ဒီအချိန်မှာ သတိထားနေရတာက

ခြေထောက်တွေ . . .

ဘာအရေးလဲ

ပိဿလေးဘေးပစ်

နားရွက်တွေ ဖြတ်အနင်းခံရ

တောင်စဉ်ရေမရ နားသားလေးတွေလည်း

နားမုဒိမ်းကျင့်ခံရလွန်းလို့

အဖမဲ့သား

ဝီတစ်ပြားတောင် နပ်မမှန်တဲ့ သူတောင်းစားလို . .

ချွေးသံယိုရွှဲ မျက်နှာမွဲ

စိတ်ထဲအံကြိတ်

တိတ်တိတ်အော်မိတာ . . .

မိမိရရ

တိတိကျကျ

ထီးကောက်နဲ့တော့ မချလိုက်ပါနဲ့

အဘရာ . . .

မီမယ်လို့တော့ ထင်တာပဲ

သူလည်းကိုယ့်ကို ခေါ်ချင်ရှာတယ်

နွားသတ်ရုံထဲ ၀င်ခါနီး ညိုတုတ်ကြီးလို

တွန့်ဆုတ် . . .

သူလည်း ကိုယ့်ကို ခေါ်ချင်ရှာတယ်

လွန့်လွန့်လူးလို့ . . တချို့ အထူးတံဆိပ်ပါမှ

ဆင်းရဲသားကို ထက်ခြမ်းခွဲချလိုက်တာ

ဒါထက် $သုံးမကျတဲ့ လူမှုစီးပွားခန့်ခွဲမှု ပညာ

ရှိရင် . . ရှိသေးတယ်ဆိုရင်

ဒီထက်ပို ရှိလည်း

ဒီထက်ပို မရှိနိုင်တော့ပါဘူး . . .

ပြေးနေတာမျိုးလား . . .

မြောက်ဥက္ကလာ ဆိုတိုင်း

တက်စီးလို့မှ မဖြစ်တာ

သူလည်း တစ်လှိမ့်ချင်း

ကိုယ်လည်း ခပ်ကျဲကျဲလှမ်းရင်း . . . လှမ်းနေရင်း

မီမယ်လို့တော့ ထင်တာပဲ

ဒါပေမဲ့ တဖြည်းဖြည်း

မိုးပြေးတစ်ချီ ငါ့မျက်ဝန်းထဲ အုံ့ဆိုင်းလာခဲ့တယ် . . . ။

-ကျော်လင်းထွန်း-