‘သားကြီး .. အမေရှိရင် ငွေရှိတယ်’

စစ်ပွဲကို ဆိုရှယ်နက်ဝေါ့ကနေ

တိုက်ရိုက်ကြည့်လို့ရတဲ့ နိုင်ငံမှာ 

ငြိမ်းချမ်းရေးက တာမွေအဝိုင်းထိပ်အရောက်
အကြမ်းဖက်ခံရတယ် ….

ရွှေနန်းတော်ထဲက မယ်နုဟာ
အရာရာအတိတ်မေ့နေချိန်
နောက်တစ်ကွေ့ဟာ ချောက်ပဲလား !
မျိုးဆက်များစွာအတွက် အရာရာခြောက်ခြားသွားတယ်

အောက်ဆုံးက ဘဝလမ်းဆုံးသူတွေကို
အပြစ်ဖို့သူတွေက ဖို့တယ် …

မြေနိမ့်ရာအမြှောက်နဲ့ ခွင်းပြီး
ခရိုနီကို အင်းသူကြီး လုပ်ခိုင်းတဲ့အကွက်တွေ
ရိုးရိုးအအ လယ်သမားတွေက ဘယ်နားလည်ပါ့မလဲ

ဘုရားပွင့်ပြီး မဖူးရလိုက်သူတွေလို
မဲပေးပြီး ဒီမိုကရေစီမရသူတွေဟာ
လမ်းပေါ်ထွက် ခွက်ဆွဲရမလို .. စားပိုးနင့်လို့ …. ။ ။

-မိုးလှိုင်ည-

3/6/18 [Sunday]

Art: Hla Phone Aung