“ငါ . . . သို့မဟုတ်. . .ငါတို့ရဲ့ ငါပေါင်းများစွာ”

ငါက ခေးအော့စ် တစ်စ

အရည်ကျို ပုံလောင်းမခံချင်တာလည်း ငါ့ဗီဇ

လွန်လေပြီး ရာစုနှစ် နှစ်ခုစာ ခရီးရှည်က သမဂ္ဂတွေ

ငါတို့ရွာ ဦးဖျားခြေရင်းတိုင်

ကွက်ကွက်ကွင်းကွင်း ပေါ်လာစေချင်မိတာလည်း ငါ့ဆန္ဒ . . .



မနေ့က မွဲပြာကျ ရှုပ်ထွေးမှုနဲ့

ဒီကနေ့ ရင်းရင်းနှီးနှီး လက်ဆွဲနှုတ်ဆက်လို့

မသိမှုအတွက် အလင်းချိုတစ်ခွက် ဖြစ်ချင်နေတုန်းပဲ ငါက . . .



ပတ္တရောင်လက်တိုင်း ပျက်ခဲ့တဲ့ ဘ၀တွေအတွက် သစ္စာ

သီးသန့်ထည်ဝါမှုတွေအတွက် အမုန်း

ငါ့ အာသဝေါကို ငါကိုယ်တိုင် ပြုံးပြုံးကြီး တစ်ကျိုက်ပြီး တစ်ကျိုက် မျှောချ

ငါက . . .



လေးလံမှုတွေ ပြောင်ပြောင်တင်းတင်းပဲ

ကိုယ်ပိုင်ပါဒတွေလည်း အပြိုင်အဆိုင်မဟုတ်

ရိုင်းရိုင်းပင်းပင်း ဝေငှဆဲ

ဒီဖြစ်တည်မှု ကိုယ်စီမှာ ငါတို့ဟာ

ကြိုး အခွေခွေကို ရုန်းဖြတ်

ပြုံးတတ်ခြင်း နှုတ်ခမ်းပါးအစား

နှလုံးသား ထူထူတစ်တစ်ပေါ် အပြန်အလှန်လုံးထွေးရစ်ပတ်

သွေးစက်လက်ခဲပျစ်အောင်

ကျောက်ကျောလို

ဖောက်ထုတ် လောင်းဖျောနေမိကြ ငါတို့က . . .



ပါဒတန်ဖိုးဆိုင်ရာ အနှိုင်းမဲ့မှုအပေါ် မွေ့ပျော်

စေ့ဆော် အားပေးခြင်းနဲ့ တယုတယ

ငါတို့ ကုသချင်တဲ့ မနက်ဖြန်များစွာဟာ လက်တစ်ကမ်းမှာ

စားပွဲထိုးလို့

အကြော်ရောင်းလို့

ပလပ်စတစ်ကောက်လို့ . . .



ငါတို့ ယက်လုပ် လက်ဆောင်ပေးမယ့် အတောင်ပံအစုံ

သန်းပေါင်းများစွာမှာ အဆိပ်အတောက်တွေမပါဖို့ . . . ငါတို့ဟာ

တစ်ယောက်ကို တစ်ယောက် သပိတ်မှောက်လိုမှောက်

လက်ခေါက်မှုတ်လိုမှုတ်

ဝေဖန်မှု အနုပညာမှာ ငါတို့ဟာ

ခေါက်ရိုးတွေ ဖြန့်ထုတ်ဆန့်တန်း

မီးပူခပ်ကြမ်းကြမ်း တိုက်လို့

ငါတို့မှာ ငါဟာ ပါလာလိုက် ပြုတ်ကျလိုက်နဲ့ . . . ။           ။





-ကျော်လင်းထွန်း-