"စစ်ကြွင်းစစ်ကျန်"

ဟိုးဝေးဝေးက ပြာလွင်စိုစွတ်တဲ့
ကောင်းကင် လဟာပြင်လို
တော်လှန်ရေးဟာ ရေမရောခဲ့ဘူး
[မှတ်ချက်အနေနဲ့ ပြောရရင်]
အဲဒီကာလတွေက ကျန်ခဲ့ပြီ ...

စစ်ပွဲဟာ အဲဒီအတိတ်တွေကို
နွားတွေ သူတို့ကိုယ်ထက်
လျှာနဲ့ လျက်သလို
ခွေးတွေ သူတို့ အင်္ဂါစပ်
သူတို့ လျက်သလို လျက်လို့ပေါ့ ...

မိတ္တူဈေးတွေ တက်လာတယ်
ဖောင်တိန်ဈေးတွေ တက်လာတယ်

ရှန်ပိန်ဈေးတွေ တက်လာတယ်
ငြိမ်းချမ်းရေးစာချုပ်တွေ
ဘယ်တော့များမှ 
ဒီဂျစ်တယ်လိုက်ဇ် လုပ်ကြမှာလဲ ...

အတ္တတွန်ကျူးသံတွေနဲ့
တောင်တန်းများ နာကျင်ငိုကျွေးသံ
အဖိုးအဖွား ကလေးသူငယ်တွေ ရင်ဝ
စစ်ရဲ့ သုတ်ရည်တွေ ဖိတ်ကျ ...

ဟုတ်တယ်
စစ်ပွဲဟာ မြန်မာပြည်မှာ
မိတ်လိုက်လို့ ကောင်းနေတုန်းပဲ
စစ်ပွဲရဲ့ သုတ်ရည်တွေ
အဲဒီမြေမှာ ပေကျံနေတယ် ...
.
စစ်ပွဲဟာ တခါတလေ နိုးနိုးလာတယ်
တခါတလေ အိပ်အိပ်သွားတယ်
တခါတလေ အဆီကိုစား အသားကို မြိုတယ်
တခါတလေ ဆန်ကောလောက်မှ ဇောက်မနက်
တခါတလေ စစ်ပွဲတွေကို
အိမ်နီးချင်းက ဝင်ဝင်ပြီး နှမ်းဖြူးတယ်
အိမ်နီးချင်းက ဝင်ဝင်ပြီး ဘေးတီးတယ်
အိမ်နီးချင်းက မြေပေါ်မြေအောက်
အကုန် ဖောက်တယ် ...

စစ်ပွဲဟာ ဓမ္မတာ မမှန်တဲ့
ပြည့်တန်ဆာလိုပဲ
တခါတလေ ဆက်ရှင်ဝင်နေရင်း
ရာသီလာတတ်တယ်
အဖိုးးအဖွား ရင်သွေးငယ်တွေ
သွေးစက်လက်နဲ့ ပြေးရလွှားရ ...

စစ်ပွဲဟာ အပြာကားထက် ညစ်ညမ်းသလို
တစ်ကမ္ဘာလုံးက ဗီလိန်တွေထက်
ယုတ်မာ အောက်တန်းကျတယ်
စစ်ပွဲတွေ အကြောင်း
ငါချစ်တဲ့ စာပေနဲ့ ရေးရတာ သနတယ် ...

အမှန်ဆို စစ်ပွဲကို ငယ်ပါနဲ့ နှိုင်းပြီးဆဲဖို့
မတန်မှန်း ငါ သိတယ် ...
ကုန်ကုန်ပြောမယ်
ဟိုး ဘိုးဘွားဘီဘင်တွေ ထွင်ခဲ့တဲ့ 

ဂန္တဝင်မြောက် ဖရုဿဝါစာ အားလုံးထက်
စစ်ပွဲဟာ
...
...
စက်ဆုပ်ရွံရှာဖွယ်ကောင်းတယ် .... ။     ။ 


#Boutsar
1:55AM
30/1/2018