“စိတ္တဇလိင်"

နယ်နိမိတ်ဖျားနှစ်ခုကြားက
တောအုပ်ငယ်လေး
ရစ်သီလို့မဆုံးသေးတာ
လစ်ဘရယ်မျက်နှာဖုံးတွေ ...
ကျနော် ခင်ဗျားနဲ့
ဆန္ဒရှိသရွေ့ လိင်ဆက်ဆံချင်တယ် ....

တပို့တွဲ တပေါင်း
နာရီလက်တံပြောင်းစီးတဲ့
ယဉ်ကျေးမှုဆိုတာ
လူ့အသိုက်အဝန်းမှာ
လူတွေ စားကြ သောက်ကြ
အိပ်ကြ စပ်ယှက်ကြတဲ့အကြောင်းပါပဲ ....

ဒေါနလို နုထွားတင်းမို့နေတုန်း
ကျက်သရေအလီလီတုံးနေတဲ့
ညစ်ညမ်းမှုတွေသာ မရှိခဲ့ရင်
သံသရာဆိုတာသာ မရှိခဲ့ရင်
သိဒ္ဓတ္ထလည်း ရှိမှာမဟုတ်ဘူး ....

စိတ္တဇလိင်မြစ်ရိုးထဲ
တဏှာအမြိုက်တွေ
တဟုန်းဟုန်းလှိုက်စား ...
လိင်စိတ်အပြစ်သားရဲ့
နတ်ဘုရားဟာ
ကောင်းကင်ဆောင်ကြာမြိုင်ကြီးဆီ
ငေါ့ငေါ့ပြီး ဆဲလို့ကောင်းနေတုန်းပေါ့ ....

ရွှေရင်ကျော်စုတ်ပိုင်ကနေ စ
ဇင်ဆရာတွေအလယ်
အရှေ့မစ္ဇျိမကနေ
ဆိုက်ဘေးရီးယား
စကင်ဒီနေဗီးယား
ဟော်မုဇ်ရေလက်ကြားအဆုံး
လိင်စိတ်ရဲ့သဘာဝဟာ 

အရစ်ပြုန်းလို့ကောင်းတုန်း ....

ယသော်ဓရာနဲ့ စပ်ယှက်တဲ့ အိပ်မက်ကို
ဆင်ဆာဖြတ်ချင်မယ့်
လစ်ဘရယ်မျက်နှာဖုံးတွေသာ
လိင်စိတ်ရဲ့ ပြဿနာစစ်စစ်တွေ ဖြစ်လို့
ကျနော် ခင်ဗျားနဲ့
နယ်စည်းမခြား လိင်စိတ်ရဲ့ မြစ်များအထိ
ဖြာဝေစီးဆင်းခဲ့တယ် ... ။

#KLT
6/Feb/2020


   Art: Persi Darukhanawala